+374 10 342710

Մաշկաբանության և սեռավարակաբանության բժշկագիտական կենտրոն




Նորություններ

Մայիսի 20-ը հայտարարվում է մելանոմայի վաղ ախտորոշման հետազոտման օր

Վաղ ախտորոշումն ու կանխարգելումը առողջության գրավականն է
ՀՀ ԱՆ «Մաշկաբանության և սեռվարակաբանության բժշկագիտական կենտրոնը» մայիսի 20-ին հայտարարում է մելանոմայի վաղ ախտորոշման հետազոտման օր:
Բժիշկ-մաշկաբանների խորհրդատվությունները կլինեն անվճար, իսկ գործիքային ախտորոշման (դերմատոսկոպիա) հետազոտությունները կիրականացվեն 50% զեղչով:
Լրացուցիչ հարցերի դեպքում կարող եք զանգահարել` (099) 29 03 03 հետախոսահամարով:

 

Այցելություն Գողարքունիքի  մարզ

«Մաշկային և Սեռական ճանապարհով փոխանցվող հիվանդությունների կանխարգելման և բուժման աջակցման» Հիմնադրամը, «Մաշկավեներաբանների հայկական ասոցիացիան»՝ «Մաշկաբանության և սեռավարակաբանության բժշկագիտական» կենտրոնի հետ միասին,  2017թ.-ի  Ապրիլի 14-ին նախատեսում են Գեղարքունիկի  մառզում  իրականացնել ուսուցողական սեմինար դասախոսություններ և այցելուների անվճար ընդունելություն կենտրոնի առաջատար պրոֆեսորադասախոսական անձնակազմի միջոցով: Դասախոսությունների նյութերի ընտրությունը իրականացվել է մարզի բժշկական անձնակազմի առաջարկների հիման վրա և ընդգրկում  է՝ հոտևյալ թեմաները, դերմատոսկոպիա և բշտային հիվանդություններ, մաշկաբորբեր և պսորիազ, սնկային հիվանդություններ և սեռավարակներ:

Սեմինար դասախոսությունները անց են կացվելու մարզի հետևյալ քաղաքների բուժկենտրոններում ՝ Գավառ, Սևան, Մարտունի և Ճամբարակ:

Բոլոր մասնակիցներին կտրվի վկայական ՇՄԶ կրեդիտներով:

 Դասախոսություններից հետո կենտրոնի բժիշկների կողմից կատարվելու է անվճար խորհրդատվություն, հետազոտություն և հարկ եղած դեպքում կնշանակվի համապատասխան բուժում:

 

Կայացավ «Պսորիազային հիվանդության կլինիկան, ախտորոշումը, բուժումը և վարման մարտավարությունը» և «Նյարդասիֆիլիսի կլինիկան, ախտորոշումը, բուժումը և վարման մարտավարությունը» ուսումնամեթոդական ձեռնարկների շնորհանդեսը

Ապրիլի 4-ին Մաշկաբանության և ՍՎ ԲԳԿ նիստերի դահլիճում տեղի ունեցավ  պրոֆ. Խ.Մ. Խաչիկյանի հեղինակած «Պսորիազային հիվանդության կլինիկան, ախտորոշումը, բուժումը և վարման մարտավարությունը» և «Նյարդասիֆիլիսի կլինիկան, ախտորոշումը, բուժումը և վարման մարտավարությունը» ուսումնամեթոդական ձեռնարկների շնորհանդեսը:

Թեմաների ընտրությունը պայմանավորված էր այն հանգամանքով, որ պսորիազային հիվանդությունը հանդիսանում է ազգաբնակչության մեջ բավականին տարածում ունեցող և խնդրահարույց հիվանդություն: Իսկ նյարդասիֆիլիսի հետ կապված վերջերս նկատվում է աճի միտում, ինչը, ըստ հեղինակի, ոչ պատշաճ բուժում ստանալու, կամ ընդհանրապես բուժում չստանալու հետևանք է : Այդ իսկ պատճառով անհրաժեշտություն առաջացավ առաջնահերթ այս երկու հիվանդությունների առումով ստեղծել հայալեզու ուսումնամեթոդական ձեռնարկներ, որտեղ լիարժեք և մանրամասն ներկայացված են նշյալ հիվանդությունների կլինիկան, ախտորոշման և բուժման ժամանակակից մեթոդները: 

Ձեռնարկները օգտակար կլինեն ոչ միայն կլինիկական օրդինատորների, այլև պրակտիկ բժիշկների, հարակից այլ մասնագիտությունների ներկայացուցիչների համար: Շնորհանդեսին ներկա էին մաշկավեներաբաններ Երևանից և մարզերից, նաև նյարդաբաններ, սեռաախտաբաններ և այլ մասնագետներ: Ելույթ ունեցողները բարձր գնահատեցին հեղինակի կատարած աշխատանքը և կարևորեցին նման ձեռնարկների ստեղծումը, որոնք ուղեցույց կհանդիսանան մաշկավեներաբանների համար իրենց առօրյա գործում: 
Միջոցառման վերջում ներկաները ստացան ձեռնարկներ հեղինակի կողմից:

Հայաստանի Հանրապետության առողջապահության նախարարության մաշկաբանության և սեռավարակաբանության բժշկագիտական կենտրոն:
Հասցե՝ ՀՀ, ք.Երևան,  Ֆուչիկի փող., 32 շենք
Հեռախոս.՝ +374 10 34-27-10, +374 99 29-03-03

Այցելություն Լոռվա մարզ

«Մաշկային և Սեռական ճանապարհով փոխանցվող հիվանդությունների կանխարգելման և բուժման աջակցման» Հիմնադրամը, «Մաշկավեներաբանների հայկական ասոցիացիան»՝ «Մաշկաբանության և սեռավարակաբանության բժշկագիտական» կենտրոնի հետ միասին,  2016թ.-ի  նոյոմբերի 18-ին նախատեսում են Լոռվա մարզում  իրականացնել ուսուցողական սեմինար դասախոսություններ և այցելուների անվճար ընդունելություն կենտրոնի առաջատար պրոֆեսորադասախոսական անձնակազմի միջոցով: Դասախոսությունների նյութերի ընտրությունը իրականացվել է մարզի բժշկական անձնակազմի առաջարկների հիման վրա և ընդգրկում  է՝ հետևյալ թեմաները՝ դերմատոսկոպիա և բշտային հիվանդություններ, մաշկաբորբեր և պսորիազ, սնկային հիվանդություններ և սեռավարակներ:

Սեմինար դասախոսությունները անց են կացվելու մարզի հետևյալ քաղաքների բուժկենտրոններում ՝ Վանաձոր, Սպիտակ, Ալավերդի և Ստեփանավան:

 Դասախոսություններից հետո կենտրոնի բժիշկների կողմից կատարվելու է անվճար խորհրդատվություն, հետազոտություն և հարկ եղած դեպքում կտրամադրվի համապատասխան բուժում: